a poa zäun

i geh mein´ weg

Bernhardt Jammernegg

i geh mein´ weg mit mia söwa

und mei weg dea geht mit mia

i hob eam no nia valossn

ea hoit ma de treue dafia

mei weg is fia mi alanich

und gehst eam a stickl mit mia

so nimmta di auf, gaunz offn

bis zua nextn offanen tia

i haumma mein´ weg ned ausgsuacht

ea hod mi afoch pockt

hod gmeakt: mia zwa khean zsaumman

drum hoda mi aa ned gfrogt

mei weg is fia mi alanich

i bin afoch do fia mein´ weg

es is eigantlich gaunz afoch

solaung i mi ned querleg

und frogst mi wo des hin fiat

daunn kaunn i da drauf nua sogn:

i hob iwahaupt ka aunung

weu i lenk ned den wogn

mei weg is fia mi alanich

den nimmt ma kaana mea weg

mei weg dea bleibt ma imma

söbst waunn i mi vasteck

ea findt mi in jeda ritzn

aum beag und im wüstnsaund

und hoda mi wieda gfundn

nimmta mi bei da haund

daunn gemma mitanaunda

i stöh eam kaane frogn

ka aunung wo´s jetz hingeht

weu i lenk ned den wogn

…i lenk ned den wogn…

…na, i lenk ned den wogn

i kunntat mi aun di gwehnan

Bernhardt Jammernegg

i kunntat mi aun di gwehnan
waunnst waaßt wiari des maan
di vo vuan bis hint vawehnan
deine voin toschn zahn
waunn´s da dreckig geht stehri in da tia
hoit dei haund und huach da zua
waunn´s da guat geht zuck i aus mit dia
und des wiara klana bua

i frog mi: wo fiat des ollas hin?
wea sogt ma wos mia fia kreise ziagn?

i kunntat mi aun di gwehnan
und i waaß wiari des maan
waunnst ned do bist mi noch dia sehnan
und waunnst do bist di vazahn
mit dia plaudan iwa jedn schmoan
iwa gott und a de wöd
mia san heaschoft und gschea - kinda und noan
jeda otemzug dea zöht

i frog mi: wo fiat des ollas hin?
wea sogt ma wos mia fia kreise ziagn?

gimma dei haund waunnst di traust mia fliagn iwan horizont
de schlössa de du baust woan afoch laung gnua unbewohnt
i steh mit dia auf dera eadn - i hob wuazln ois wiara bam
und i waaß es wiad scho weadn weu es gibt nix wos i vasaam

i frog mi: wo fiat des ollas hin?
wea sogt ma wos mia fia kreise ziagn?

i geh

Bernhardt Jammernegg

i geh - du wüstas jo eh
maunchmoi woas so schee
und jetzt föht ma da schmäh
jo eh - es wiad zeit dass i geh
wia wüst des vasteh
und wiaso tuat des imma no weh?

mia haum vüles probiat
kaane schuidign gfundn
haum maunches planiat
und prolongiat um a rundn
haum goa ned glauben kennan
dass es soweit kumman kennt
wea losst scho des feia brennan
waunn da rauch voi in de augn brennt?

zittat gfluacht gschwitzt gheut
gschneizt kamplt eigsteckt austeut
auneinaunda vuabeimanövriat
dass sowos zu sowos fiat
festhoitn loslossn - dicke luft
ollas im leern raum vapufft
no amoi hinschaun und kapian
scheitan diafn und valian

i geh - du wüstas jo eh
maunchmoi woas so schee
und jetzt föht ma da schmäh
jo eh - es wiad zeit dass i geh
wia wüst des vasteh
du i glaub des is mei CD

zeit zum wundn leckn
i hob a bissal a havarie
iagendwaunn de fühla austreckn
vielleicht woat do draussd grod wea auf mi?